దాహం.. మోహం

 

ఉదయ్ శంకర్ గారు వ్రాసిన ఈ కన్నడ పాట చాలా ప్రసిద్ధం.

నటగాయకుడు రాజ్ కుమార్ గారు బాగా పాడారు.

-

తేలిక పదాలతో ఉన్నా, అంకితభావం ఉట్టిపడే సాహిత్యం. అందుకే కొన్ని రోజుల క్రితం  తెలుగులోకి అనువదించాను. అదేరాగంతో, అదే అర్థంతో.

---

ఏమి దాహమెంత మోహ...మేమిదాహమెంత మోహ

మెఱుగజాలనే… స్వామి

ఇంకా నీదు పేరు పలుక ముచ్చటైనదే..

చాలునన్న మాట మరిచి మనము నిన్ను చేరెను

చరణకమల స్మరణలో భ్రమరమై పాడెనే

భ్రమరమై పాడెనే

తేనెగన్న తీపి నీదు నామమందు నిండెనే

పలుకులేవి చాలవు మనము విరిసి మురిసెనే

మనము విరిసి మురిసెనే

నెఱవెన్నెల నిసిలోన మసలుచున్న తీరుగా

నాలొ మధురభావన నేను కన్న కల్పన

నేను కన్న కల్పన

గాలికన్న సులువుకాగ తేలి తేలి సాగనా

వెలుగులోన కరగనా అటుల నిన్ను చూడనా

అటుల నిన్ను చూడనా

ఏమి దాహమెంత మోహ...మేమిదాహమెంత మోహ

మెఱుగజాలనే… స్వామి

ఇంకా నీదు పేరు పలుక ముచ్చటైనదే..

--