అలివేణి కురులందు నలరారు నీలంపు
సిరిరాశినై వెల్గు శ్రేయమెంతొ
యెలనాగ ముగమందు నెలమించు నగవందు
మెఱుపునై చెల్గంగ మేలదెంతొ
కలకంఠి స్వరమందుఁ గమనీయ రాగంపు
లలితాంగి నడలందు లయకారి మువ్వనై
మురిపెంపు సడికాగఁ బుణ్యమెంతొ
భువినిజన్మమంది పువ్వునై వికసించి
పరిమళించనైన భాగ్యమెంతొ
కవనగీతమందు గానఫణితియందు
గమకమైనఁ జాలు కలిమి యెంతొ.
-లక్ష్మీదేవి.
సీసము, ఆటవెలది.
కామెంట్లు లేవు:
కామెంట్ను పోస్ట్ చేయండి