దీపావళి

 చిరురూపమ్మున వెల్గు జ్యోతులవి పెంజీకట్లఁ బోఁద్రోలు, పూ

విరిమొగ్గల్వలెఁ దోచుచుందనరగా వీక్షింత్రు విభ్రాంతులై

వరుసందీపములెన్నియో నమరు నా వాకిళ్ళయందెల్లెడల్

మురిపెమ్మొప్పగ నింతులెల్లరును సమ్మోహమ్ముతోనుంచగా.

ఆర్భాటమ్ముగ ప్రేలు బాణముల నాయా యాటలంబండుగై,

నిర్భీతిన్, మదినిండు నుల్లసముతో, నిండారు పెన్వెల్గులా

విర్భావమ్మగు నింగి నేలలు మహావిభ్రాజమానమ్ములై

దుర్భావమ్ములఁ గూల్చు నిశ్చయముతో, తోషమ్మె దీపావళిన్.

లక్ష్మీదేవి.

మత్తేభ విక్రీడితము,

శార్దూలవిక్రీడితము