భారతీయులు ఆహా ! భారతీయులు ఓహో ! అంటారని ఎందరో గేలి చేస్తుంటారు. హేళనగా చూస్తారు. పోన్లే మంచిదే ఎందుకీ దురభిమానాలు అనుకునేంతలో, వాళ్ళే మళ్ళీ తమకు నచ్చిన ప్రాంతాలను - ఆంధ్రులు ఆహా! తెలంగాణ్యులు ఓహో! హైదరాబాదీలు ఆహా! గోదావరీయులు ఓహో! రాయలసీమవాసులు ఆహా! కోస్తావాళ్ళు ఓహో! మళయాళీలు ఆహా! విదేశీయులు ఓహో! అనడం ఏమిటో నాకర్థం కాదు.
అది పెద్ద వృత్తమైతే, ఇవి చిన్న వృత్తాలు. ఏముంది తేడా? ఆ వృత్తపరిధిలోని అందరూ అందరికీ తెలియనట్లే ఈ చిన్న వృత్తాల్లో కూడా అందరూ అందరికీ ఏం తెలిసుండరు.
అసలు ప్రాథమికంగానే మంచిచెడులు, ఎక్కువతక్కువలు అందరిలోనూ ఉంటాయి అనేది అందరికీ తెలుసు.
కాబట్టి ఎదుటివారిని దేనికి గేలి చేస్తున్నామో అది మనం చేయకపోవడం బాగుంటుంది. లేదా ఎదుటి వారిని గేలి చేయకుండా ఉంటే బాగుంటుంది.
ఎవరికీ ఉపదేశం? ఎవరో వింటారని, ఆలోచిస్తారని కాదు. ఏదో గోడమీద గోడు. అంతే
కామెంట్‌లు లేవు:
కామెంట్‌ను పోస్ట్ చేయండి