మందాకిని: 01-05-19

27, మే 2019, సోమవారం

పలువిధ చింతనలందున
కలగిన, నేకాగ్రత మది కలుగునె మనసా?
విలువగు వ్యవసాయమ్ముల
వలసిన నేకాగ్రత నిలువగ మేల్కొనుమా!

చిత్రముగా పరుగులిడుచు
నాత్రముఁ బెంచుచు, ముంచుచు నాశల యూటన్,
గాత్రము నుండగనీయక
పత్రమన రెపరెపలాడఁ బాడియె మనమా?

అద్వైతమ్మును నమ్ముచు
నుద్వేగముతో మెలిగిన యొండొరులందున్
సద్వర్తనములు వెలివడు
తద్వాక్యమ్ముల యొరవడి తపనలఁ బెంచున్.

నీటి చాలులందు రాతిశిలలు

రాతి శిలల లోన నీటిచాలు

(నీటి చాలు = నీటి పాయ)
(చాలు = జాడ)

ఆశనిరాశల నూగుచు
పాశపు బంధనము నందు పరుగిడినంతన్
లేశపు దూరముఁ జనదో
యీ! శాపపుటూయలయొ! యదెట్టుల తెలియున్?

పుట్టితి నేలో! తెలియదు
గిట్టుట యెపుడో! తెలియని కృత్యములన్ చే
పట్టితి నేలో! విడువని
పట్టు యిదేలో! యొకింత పక్వత రాదో!
--