ఏమి చేతునో!

నిరతము నంతరంగముననీకముఁ జేయుచు వేగుచున్న, దే
తరుణము నెట్టులౌనొ యని తాళగ జాలని యుత్సుకమ్ము నే
నరయని కొత్త యూహల, ననల్పముగా జనియింపజేయగా
సరగునఁ జేరు కల్పనల ఝల్లను యుల్లము నేమి చేతునో!

వ్యక్తి పూజలేల?

గుణములఁ జూచుచు గొప్పగా మెచ్చుచు
                    వ్యక్తి పూజలు సేయ వ్యర్థమగును 
 గుణములఁ బాటింప గొప్పదనము గాని
              పొగడుచు నుండిన పొల్లు సమము
నాటి కావ్య పురాణ నాయకులనుఁ గాని
              నేటి వారలఁ గాని నిక్కమిదియె
మాటల మూటల మర్మంపు కథలందు
                   కోటలు దాటింప గొప్పకాదు

యుగము దాటి మరల యుగములు గడచిన
నింత యేని యెఱుగ కేమి ఫలము?
చెప్పు వారు చెప్పి చెప్పి యూరకనుండ
అడుసుఁ ద్రొక్కి చూడ నాశ లేల?